HUMINGI ng tulong si Pinoy rock icon Mike Hanopol sa National Bureau of Investigation (NBI) kaugnay sa online bullying at ilegal na paggamit ng kanyang mga komposisyon.
Inireklamo ng 80-anyos na musikero ng cyber bullying at paglabag sa Intellectual Property Code of the Philippines ang isang hindi pa kilalang indibidwal.
Sa reklamo ni Hanopol sa NBI-Cybercrime Division, sinabi nito na gumawa pa ng limang social media accounts ang kanyang inirereklamo para lamang gulihin at insultuhin siya.
Baka Bet Mo: Kakai Bautista na-bully sa gilagid, insecure dahil walang manliligaw
Inaaangkin din aniya ng indibidwal ang kanyang mga orihinal na komposisyon.
Inamin nito na marami ang gumagamit ng kanyang mga kanta ngunit humihingi ang mga ito ng permiso bilang respeto, bukod s pagkilala sa kanya bilang kompositor.
“Ang daming gumagamit ng kanta ko, pero okay lang ‘yun/ Yung iba naman nagpapaalam, nagpapasalamat, palaging binabanggit.
“Eh itong isa na ‘to, kanya na. Siya na raw ang writer,” dagdag pa ng dating miyembro ng Juan dela Cruz band.
The post Rock icon Mike Hanopol nagreklamo ng online bullying, harassment sa NBI appeared first on Bandera.
Singer-songwriter Mike Hanopol has filed a complaint with the National Bureau of Investigation (NBI) against a man who allegedly used his songs without permission.
HANDA nang bumandera ang P-pop boy group na SB19 sa panibagong global stage dahil kasali ito sa lineup para sa Coachella Valley Music and Arts Festival 2027.
Masayang ibinahagi ng grupo sa kanilang social media pages ang magandang balita tungkol sa kanilang nalalapit na performance sa isa sa mga pinakakilalang music festival sa buong mundo.
Nakatakdang magtanghal ang SB19 sa dalawang weekend ng nasabing event, April 10 at 17, 2027.
Kabilang din sa mga kilalang artistang kasama sa lineup sina Tame Impala, Weezer, Phoebe Bridgers, ADÉLA, NCT, at marami pang iba.
Baka Bet Mo: SB19 natupad pagrampa sa Grammy Museum!
View this post on Instagram
A post shared by Bandera (@banderaphl)
“THE NEXT STOP IS OFFICIALLY ON THE CALENDAR. COACHELLA 2027. See you on the other side of the desert, A’TIN…” saad ng SB19 sa kanilang post.
Pangungunahan ni Dua Lipa ang unang araw ng festival, kasama sina Madonna, Zara Larsson, at Jisoo bilang ilan sa mga magtatanghal.
Samantala, si SZA naman ang magtatapos sa ikatlong araw ng festival, kasama sina Don Toliver, Kygo, Becky G, at BABYMONSTER.
Ipinahayag din ng SB19 ang kanilang excitement sa pamamagitan ng isang masayang reel kung saan makikitang nagli-lip-sync sila sa iconic na pagpapakilala ng BLACKPINK sa Coachella.
“We’re ready Coachella… SEE YOU IN 2027,” sabi sa caption ng grupo.
Kasunod ang nalalapit na debut ng SB19 sa Coachella ng makasaysayang tagumpay ng grupo sa Lollapalooza 2026. Nagtanghal din ang grupo sa international stage ng Summer
Sonic sa Japan sa huling bahagi ng taong ito.
Sila ang magiging ikalawang Filipino act na magtatanghal sa Coachella, kasunod ng makasaysayang paglahok ng kapwa P-pop group na BINI.
Kamakailan lamang, napili rin ang SB19 upang awitin ang “Together in Motion,” ang opisyal na kanta para sa pagiging tagapangulo ng Pilipinas sa ASEAN 2026.
Kinilala rin ng Senado ng Pilipinas ang grupo dahil sa makasaysayan nitong pagtatanghal sa Lollapalooza Music Festival sa Chicago.
The post SB19 babandera sa Coachella 2027: We’re ready! appeared first on Bandera.
BINI member Mikha Lim has surrendered her driver’s license to the Land Transportation Office (LTO) after she was issued a Show Cause Order over alleged cellphone use while driving.
HINDI nagustuhan ng ilang netizens ang naging Instagram story ng Kapuso actress na si Carla Abellana hinggil sa gender reveal.
Ni-reshare kasi ng aktres ang isang reels sa Instagram story kung saan “pointless” na raw ang pagdiriwang ng gender reveal.
“I think gender reveals [are] pointless nowadays. ‘OMG it’s a boy’ then 13 years later Nathan turns ‘Natasha,’” saad sa reels na mula sa Mitch Brothers na binahagi ni Carla.
Bagama’t walang kalakip na pahayag o komento ang pagbabahagi ng Kapuso actress ay hindi naman ito nakaligtas sa mga banat ng netizens.
Baka Bet Mo: Carla Abellana sa luxury bag: Pang-tuition ng magiging anak namin
View this post on Instagram
A post shared by Bandera (@banderaphl)
May mga bumabatikos kay Carla dahil kahit na wala itong sinabi, ang ginawa niyang pag-reshare ay tila pagsang-ayon sa pahayag.
Ayon sa iba, tila homophobic ang naturang pahayag kaya nadawit na rin ang aktres sa pagkondena dito.
May ilan pa na nagsasabing tila nagpaparinig si Carla sa kanyang ex-husband na si Tom Rodriguez.
Narito ang ilan sa mga komento ng netizens.
“I think natawa lang si Carla sa memes kaya na-share niya sa myday niya hahaha.”
“Ang homophobic naman ng napili niyang reels. Nakakapangit ng pagkatao ang pagiging homophobic.”
“Carla kung nagpaparinig ka kay TR, huwag mo na idamay mga bakla. Kaloka ka.”
“Hirap talaga kapag nabibiktima eh. Hahaha. Ok lang yan te. Masaya naman na kayo.”
Samantala, wala namang inilabas na pahayag o paglilinaw si Carla sa kanyang shared reel.
The post Carla Abellana binira sa ‘pointless’ gender reveal post, inakusahang homophobic appeared first on Bandera.
INILANTAD na ni “Pinoy Big Brother: Collab 3.0” Kapamilya housemate na si Jeo Ong ang totoong pinagmulan ng “amoy anghit” sa loob ng Bahay ni Kuya.
Ilang araw ding naging isyu ang tungkol sa mabahong amoy sa “PBB” house na umano’y nanggagaling sa ilang housemates.
Kaya naman nang muling pumasok sa confession room si Jeo ay kinausap siya ni Big Brother hinggil sa posibleng pinagmumulan ng mabahong amoy sa loob ng bahay.
Tinanong ni Kuya kung bakit napagchikahan nila ni Shea ang isyu sa amoy “baktol” na hindi raw knows ng dalaga kung ano ang ibig sabihin.
In-explain naman daw ni Jeo kay Shea na ang baktol ay amoy anghit o ang mabahong amoy na nagmumula sa kilikili. Napag-usapan nila ito habang naglilinis si Shea gamit ang mop.
Sa puntong ito, inusisa ni Big Brother kung totoo bang ang mop ang may hindi kagandahang amoy.
Tugon ni Jeo, “Yes, Kuya, dahil minsan may nag-mop tapos hindi nababanlawan. Tapos yung pinanggamitan ng mop sa loob ng CR, nagamit sa labas.”
“Akala ko housemate,” ang sey naman ni Big Brother kaya natawa si Jeo.
Baka Bet Mo: Boy Tapang bibigyan ng 100K votes si Primo para iligtas sa PBB eviction
“Basta Kuya, sa amoy, dahil lang naman sa kulob, pero ano, Kuya, mabango sila kasi lagi namang naliligo lahat, eh,” sey ni Jeo na binasagang “Linis King” dahil sa sipag niyang maglinis sa PBB house.
Bilang reward, binigyan ni Kuya si Jeo ng bagong mop.
Matatandaang, naging viral din ang video clip ng usapan nina Jeo at kapwa Kapamilya housemate na si Cianne Dominguez, kung saan maririnig umanong sinasabi ng huli na may mabahong hininga ang binata.
Hindi naman ito pinalampas ng ilang tagasuporta ni Jeo na agad nagpahayag ng kanilang reaksiyon sa social media.
Pero agad namang pinabulaanan ang naturang alegasyon ng celebrity dentist na si Dr. Ralph Figaroa Delas Alas, o mas kilala bilang Dr. RFD, na minsan nang naging dentista ng pamilya Ong.
Samantala, tila gumanti naman ang ilang netizen matapos maglabasan ang mga komento at alegasyon tungkol sa umano’y body odor ni Cianne.
Nadamay rin sa kontrobersiya si Shea Valerio matapos kumalat ang iba pang video clips na naging dahilan ng espekulasyon ng ilang manonood tungkol sa personal hygiene ng mga housemate.
Dahil dito, hindi na lamang simpleng biruan sa loob ng bahay ang usapin kundi nauwi na rin sa online bashing at personal attacks laban sa mga housemate.
Kaya naman, nagpahayag ng suporta ang singer-actor at kapwa “It’s Showtime” host na si Darren Espanto para kay Cianne.
Kapansin-pansin ang pagkomento ni Darren ng “#HindiMabahoSiCianne” sa isang pahayag ng Star Magic na kumondena sa online bullying, harassment, at personal attacks laban kina Cianne, Shea, at iba pang housemate.
The post Jeo Ong ibinuking ang amoy-anghit sa loob ng Bahay ni Kuya appeared first on Bandera.
NAGLABAS ng komento ang host at social media personality na si Sam YG hinggil sa ginagawang paghahanda ng gobyerno para sa 49th ASEAN Summit and Related Summits na gaganapin sa Pilipinas.
Sa kanyang Facebook post nitong Martes, November 10, hindi niya napigilan ang hinaing sa pamahalaan dahil sa mga hakbang nito na pagtatakip ng mga nararanasang problema sa bansa para sa pagdating ng mga dayuhang bisita.
“Can we just talk about ‘tong whole ASEAN thing na ‘to?” panimula ni Sam sa kanyang video post.
Pagpapatuloy niya, “They’re reblocking EDSA, sobrang traffic the past couple of days, inaayos [mga] kalsada, tinatanggal ‘yong mga squatter para magmukhang maayong ‘yong Metro Manila. Pero maayos ba talaga?”
Baka Bet Mo: Sam YG na-hulicam mga maletang sakay ng government vehicle
Nalulungkot rin si Sam para sa bansa at mga Pilipino dahil tila pansamantalang solusyon lamang ang ginagawa ng gobyerno at “panakip-butas” lamang para sa ASEAN Summit.
Hindi rin nito aktuwal na nasasagot ang tunay na problemang nangyayari sa bansa.
“Ang nakakalungkot eh inaayos lang nila for a certain event, kumbaga, panakip-butas. Tapos after that, ano, back to regular programming. “Sira-sira na naman yung [mga] kalsada,” giit pa ni Sam.
Dismayado rin siya dahil isa na namang band-aid solution ang nangyayari na hindi deserve ng mga Pilipino.
“Nakakainis lang if you think about it. It’s all for show. It’s all a band-aid solution pero hindi naman talaga naaayos yung problema,” sabi pa ni Sam.
Nakatakdang ganapin sa Philippine International Convention Center (PICC) at World Trade Center sa Pasay City ang ASEAN Summit 2026 mula November 16 hanggang November 18.
The post Sam YG sa paghahanda ng gobyerno sa ASEAN Summit: It’s all for show appeared first on Bandera.
SINUSPINDE ng 90 araw ng Land Transportation Office (LTO) ang driver’s license ni P-Pop BINI member Mikha Lim bunga ng viral video ng paggamit niya ng cellphone habang nagmamaneho.
Kasabay nito, nagpalabas ang ahensya ng show cause order (SCO) kay Lim para ipaliwanag ang lumalabas na paglabag niya sa batas trapiko.
Sa video, napanood si BINI Mikha na hawak ng dalawang kamay ag cellphone habang umaandar ang minamanehong sasakyan.
Napanood din na nahulog niya ang cellphone at kinapa ito sa sahig ng kanyang sasakyan.
Baka Bet Mo: BINI Mikha nagse-cellphone habang nagda-drive; LTO kinalampag
View this post on Instagram
A post shared by Bandera (@banderaphl)
Sinabi ni LTO Chief Markus Lacanilao na lubhang delikado para kay Lim at sa iba pang motorista ang ginawa nito.
Idiniin ni Lacanilao na ipinatutupad nila ang batas sa lahat, anuman ang estado sa buhay, kahit sa mga popular na indibidwal.
Inatasan si Lim na humarap sa tanggapan ng LTO-Intelligence and Investigation Division sa LTO Central Office sa Quezon City sa Nobyembre 20.
The post BINI Mikha pinatawag ng LTO, lisensya suspendido dahil sa viral driving video appeared first on Bandera.
Sinuspinde ng Land Transportation Office (LTO) at pinagpapaliwanag ang isang miyembro ng isang P-pop girl group dahil umano sa paggamit ng cellphone habang nagmamaneho.
