Isang araw matapos ideklara ni Piolo Pascual na ang kandidatura ni Leni Robredo bilang pangulo ng Pilipinas ang kanyang sinusuportahan para sa eleksyon sa May 9, 2022, isinapubliko ni Anne Curtis sa pamamagitan ng Instagram post na ang bise presidente rin ng bansa ang presidential aspirant na tinatangkilik niya.
Read: Piolo Pascual, Regine Velasquez declare all-out support for Leni Robredo
Ginamit ni Anne ang bulaklak ng rosas na tanim umano ng nanay niya bilang simbolo ng kanyang pagsuporta kay Robredo.
Bago kinumpirma ni Anne na si Roberdo ang presidente niya, nag-post siya sa kanyang social media pages ng Luv-Anne, ang pamagat ng comeback concert ng 37-year-old actress na magaganap sa June 11 sa Newport Performing Arts Theater ng Resorts World Manila, Pasay City.
“Hitting two birds with one stone” ang announcement ni Anne tungkol sa suporta nito kay Robredo dahil sa pagagamit niya ng hashtag na “Luv-AnneLeni” para mabanggit din ang titulo ng kanyang concert.
“Yan ang tawag sa rosas na ito. My mum planted this rose in her garden & how apt it is for this time… dahil ang pangarap ko sa ating bansa ay magkaroon ng ilaw sa ating tahanan na tinatawag nating Pilipinas na gagabay, ipaglalaban, proprotektahan at mamahalin ito…mamahalin tayo…
“Kaya para sa akin, #KulayRosasAngBukas #LetLeniLead#LuvAnneLeni,” social media announcement ni Anne tungkol sa kanyang paniniwala na si Robredo ang karapat-dapat na susunod na pangulo ng Pilipinas.
MALAKING bahagi ng pagiging asawa at nanay ngayon ni Nikki Valdez ang mga naranasan niya noong pagkasawi sa pag-ibig.
Pinasalamatan ng award-winning Kapamilya actress ang kanyang past experience sa pakikipagrelasyon dahil mas tumatag at mas naging matapang pa siya sa buhay.
Nakachikahan ng BANDERA at ilan pang piling members ng showbiz media si Nikki sa naganap na Star Magic Spotlight presscon kamakailan.
Napag-usapan doon ang upcoming stage play ng Teatro Kapamilya at PETA Plus na “The Art of Breaking Up” kung saan isa sa cast members si Nikki.
Natanong ang aktres tungkol sa kanyang sentiments when it comes to breakup, “Dati nu’ng hindi pa ako masyadong natututo sa mga break-up ko, I would think that jumping to the next relationship would be the best answer.
“Akala ko the next person would make me happy,” paliwanag ni Nikki.
“I have to thank yung pain na naranasan ko from my past relationship because ang dami niyang itinuro sa akin, and I wouldn’t be the strong person now kung hindi ko naranasan yung mga yun,” aniya pa.
“Embracing the pain and learning from the experience” is the key para makapag-move on sa heartbreak.
Baka Bet Mo: Nikki Valdez 5 years naka-share ng dressing room si Gloria Romero
“Allow the pain first, acknowledge it. Allow your journey na maranasan yun lahat yun and then learn from it kasi wala naman ibang makakatulong sa ‘yo kundi ang sarili mo,” sey ng aktres.
Super happy ngayon si Nikki sa piling ng kanyang asawang si Luis Garcia kasama ang anak niyang si Olivia Ysabelle.
Samantala, gumaganap si Nikki bilang si Lou sa “The Art of Breaking Up” at isa lamang siya sa napakaraming cast ng play.
“Kaya marami kami, it comes in vignettes, ‘yung ipi-feature niya ‘yung per story of a breakup, but the characters are somehow connected. Basta maganda siya, ‘yung web ng characters,” chika ni Nikki.
Ang “The Art of Breaking Up” ay sa panulat ni late George de Jesus III at mula sa direksyon ni Dudz Teraña. Mapapanood ito mula November 6 hanggang December 6, 2026, sa PETA Theater Center.
Kasama rin dito sina Jake Cuenca, Janella Salvador, Yen Santos, Bibeth Orteza, Carlitos Siguion-Reyna, at Ruby Ruiz.
Nasa play din sina Teroy Guzman, Brent Manalo, JC Alcantara, Anna Luna, Analain Salvador, Jel Tarun, Yesh Burce, at AJ Sison.
The post Nikki Valdez sa ilang beses na breakup: Ang daming itinuro sa akin appeared first on Bandera.
HINDI na rin nakapagpigil ang aktor at provincial board member ng Nueva Ecija na si Jason Abalos na ilabas ang galit sa malawakang korapsyon sa pamahalaan.
Naglabas ng saloobin si Jason sa pamamagitan ng social media tungkol sa mga opisyal ng gobyerno na inaakusahan ng plunder o pandarambong.
Walang binanggit na pangalan ang aktor ngunit pinaniniwalaang may kaugnayan ito kay dating House Speaker Martin Romualdez na napabalitang maraming iniindang karamdaman matapos isilbi ang arrest warrant laban sa kanya dahil sa kinakaharap na plunder case.
Mababasa sa Facebook post ni Jason nitong nagdaang Lunes, September 14, “Don sa mga doctor na nang iimbento ng sakit para sa may plunder case, ikina proud kaya ng pamilya niyo yan?
“Bilyong piso ang pinag uusapang kaso niyan, nakakahiya naman don sa nakulong na nagnakaw ng sardinas para napakain ang pamilya,” aniya pa.
Bago dalhin sa Male Dormitory ng Bureau of Jail Management and Penelogy (BJMP) sa Payatas, Quezon City, naratay muna sa Philippine General Hospital (PGH) si Romualdez.
Baka Bet Mo: Vice Ganda mas dumami pa ang endorsement matapos lumaban sa korapsiyon
Ito’y matapos siyang ma-diagnose ng “major depression with anxiety”. Ngunit nang bumuti na ang kalagayan ng kongresista ay iniutos na ng Sandigbayan na dalhin na siya sa Quezon City Jail.
Sinampahan ang dating House Speaker ng kasong plunder, isang non-bailable na kaso, dahil sa pagkakasangkot umano sa anomalya sa flood control projects na nagkakahalaga ng P7.4 billion.
The post Jason Abalos nanggigil sa may plunder case, binarag mga doktor appeared first on Bandera.
NANINDIGAN ang award-winning actor na si Romnick Sarmenta sa kanyang posisyon hinggil sa isyu ng Pax Silica sa Pilipinas.
Naniniwala ang seasoned actor na hindi fair ang magiging pakinabang ng mga Pilipino sa planong pagtatayo ng Pax Silica sa bansa.
Sa ibinahaging video ni Romnick sa kanyang X account, ipinagdiinan niyang matagal nang sinasabing masikip, watak-watak at overpopulated na ang Pilipinas.
Pero bakit pa raw pipiliin ng mga foreign investors ang Pilipinas para magtayo ng data centers ng Pax Silica at hindi sa mas malaki at asensadong mga bansa.
“Sabi nila, ang bansang Pilipinas ay maliit, masikip, watak-watak na mga isla, at overpopulated. So ang tanong ko, bakit dito itatayo ‘yong Pax Silica na data centers?” simulang punto ng aktor.
Patuloy niya, “Bakit hindi sa mga bansa ng mga foreign proponents kung saan mas malawak at wala sigurong madi-displaced na indigenous people at mga magsasaka?
“Kasi kung sasabihin nila na pagtutulong iyon at gusto nilang makapagbigay ng trabaho sa mga Pilipino, puwede naman nilang itayo sa mga bansa nila.
Baka Bet Mo: Romnick Sarmenta naglabas ng saloobin sa pamamaril ng mga menor de edad
“Tapos i-open nila ‘yong employment para sa mga qualified Filipinos,” saad pa niya.
Katwiran pa ni Romnick, “Alangan naman construction worker lang tayo tapos iba ‘yong makikinabang. Ganoon ba ‘yong usapan?
“Hindi ko alam. Marami akong hindi alam, marami pa akong dapat na matutunan at pag-aralan,” sey ng beteranong aktor.
Banat pa ni Romnick, hindi nangangahulugan ng tulong para sa mga Pilipino ang paggamit ng mga foreign investors ng natural resources, pagpapatag ng kabundukan, planong pagputol sa mga puno, at pagpapalayas sa mga katutubo at magsasaka ng Pilipinas sa kanilang lupa.
“Pero ang malinaw sa akin, hindi pagtulong ‘yong natural resources natin ang gagamitin, lupa natin ang gagamitin, papatagin ang mga bundok, puputulin ang mga puno, tatanggalan ng lugar ‘yong mga magsasaka at saka ‘yong mga indigenous people, tapos tulong ‘yon sa atin?
“Paano ‘yon naging tulong sa atin? Hindi malinaw, e,” sabi pa ng aktor.
Noong nakaraang buwan, lantaran nang tinutulan ni Romnic ang Pax Silica. Aniya, hindi kailangan ng Pilipinas ang Artificial Intelligence (AI) center hubs.
The post Romnick Sarmenta nanindigan, hindi tulong ang Pax Silica sa Pinas appeared first on Bandera.
Ang kagustuhang maranasan ang lock-in taping ang pangunahing dahilan kaya tinanggap ni Gary Estrada ang Raising Mamay, ang upcoming afternoon drama series ng GMA-7.
Bilang artista, ayaw ni Gary na makalampas ang pagkakataong masubukan ang lock-in taping kaya nakita niya nang personal ang mga advantage at disadvantage nito.
Saad niya, “Gusto kong masubukan ang lock-in taping. I haven’t experienced it yet so I wanna try it.
“At least, masasabi ko na bilang artista, nakapasok ako sa lock-in taping.
“Ayokong malampasan yung oportunidad na yun dahil siguro, sa mga artista, isa ako sa mga hindi nakasubok ng lock-in taping.
“So, I’m curious, bakit hindi ko subukan?”
Patuloy ni Gary, “Mahirap dahil, unang-una, malayo ka sa pamilya mo.
“Pangalawa, there are rules na kailangan mong sundin na hindi natin nasubukan noong tayo ay nasa normal na proseso ng taping.
“But it’s good kasi kahit papaano, nakakapag-concentrate ka dahil lahat ng kailangan nandiyan. Parang nag-shooting ka katulad ng lumang estilo ng shooting.
“Kumbaga, kapag nag-location kayo, nandoon lahat, nandoon yung mga kailangan.
“Yun lang, ito yung pinakamatagal [na panahon] na nalayo ako sa pamilya ko. Medyo dumadapo na rin yung lungkot, dumadapo na yung lahat ng iniisip mo.
“May mga naiiwan kang gawain sa Manila, nandoon yung pamilya mo.
“Masaya naman na may kahalong kalungkutan.”
Inamin ni Gary na na parang mahihirapan na siya kapag lock-in taping pa rin ang sistema ng susunod na project na iaalok sa kanya.
GARY ON WORKING WITH FAMILY MEMBERS
Nagsimula ang showbiz career ni Gary noong 1991, at mahal na mahal niya ang propesyong kanyang binabalik-balikan lalo na ngayong mga artista na rin ang mga miyembro ng pamilya nila.
“I miss this job,” sabi ni Gary.
“Isa sa mga dahilan kung bakit gusto kong mag-artista dahil yung aking anak, si Kiko Estrada, e, medyo nag-artista na rin at kahit papaano, nagkakaroon na rin ng pangalan.
Si Kiko ay anak ni Gary sa dati niyang karelasyong si Cheska Diaz.
Patuloy ng aktor, “Yung anak ni Katherine [Gary’s sister], si Rob Gomez, very curious ako na balang-araw, nangangarap ako na makasama sana sila sa isang pelikula.
“Pero yun nga, parati akong inaalok na makasama sila.”
Isiniwalat ni Gary ang nararamdamang takot kaya ayaw niyang makatrabaho ang kanyang pamilya.
“Natatakot kasi ako. It’s too close to home para sa akin na makatrabaho sila.
“Kahit ang asawa ko, hindi ko kaya na katrabaho,” pagtukoy niya sa kanyang misis na si Bernadette Allyson.
“Hindi ko kaya umarte sa harapan nila. Kumbaga, gusto ko, lahat ng ipapakita ko sa kanila, e, totoo.
“Minsan ko lang sinubukan na makatrabaho ang asawa ko, nasaktan ko.
“Although our marriage is not that perfect, pero ‘yan ang iniiwasan ko, ang makasakit, lalo na kapag mahal mo ang iyong maybahay, natatakot ako. I don’t want her to have that impression.
“Minsan ko nang nagawa, ayoko nang maulit.”
Hindi binanggit ni Gary ang proyektong tinutukoy niya na magkasama sila ng kanyang asawa na si Bernadette, pero may isang eksenang kailangang magwala siya.
Naging makatotohanan ang pag-arte ni Gary kaya hindi sinasadyang nasaktan niya si Bernadette na natulala umano dahil sa kanyang inasal, isang insidente na ayaw nang maulit ng 50-year-old actor.
BILANG magulang, naglabas ng saloobin ang talent manager at host na si Ogie Diaz tungkol sa isyu ni Carlos Yulo sa kanyang mga magulang.
Muling nabuhay ang kontrobersiya sa pamilya ng two-time Olympic gold medalist nang lantaran niyang sabihin na hindi niya iimbitahan ang kanyang parents sakaling magpakasal na sila ni Chloe San Jose.
Bukod pa rito ang pakikipagbardagulan ni Chloe sa nanay ni Caloy na si Angelica Yulo at sa lola nitong si Angelita Poquiz sa social media.
Sa kanyang Facebook account, nag-share si Mama Ogs ng kanyang nararamdaman sa sigalot sa pamilya Yulo na pinagpipiyestahan na naman ng mga Marites.
Ni-repost niya ang isang artcard kung saan mababasa ang sinabi ni Carlos na hindi nga invited sa kasal nila ni Chloe ang mga magulang.
“Pag quote card lang at walang kumpletong konteksto, mami-misinterpret at kasusuklaman mo sina Carlos at Chloie.
“Pero kung nakasubaybay ka sa pamilya ni Carlos Yulo, mage-gets mo kung saan nanggagaling ang mga poot nila sa dibdib. Yung nanay at tatay kay Carlos. And vice versa,” simulang komento ni Ogie.
Baka Bet Mo: Chloe barag sa lola ni Carlos, sanay na sanay daw dumila kaya nababaliw apo
Pagpapatuloy niya, “Malungkot ito para sa isang pamilya. Lalo na at maraming marites ang humuhusga. Labanan nga ng Gen X, Millenials and Gen Zs sa pagtrato sa sitwasyon.
“At the end of the day, wala naman tayo sa bahay nila nung mga bata pa ang mga batang yan.
“Hindi rin natin alam kung ano dynamics nila at kung paano maging magulang itong nanay at tatay niya. So preno muna sa panghuhusga,” sabi pa niya.
Ayon pa kay Ogie, may nagtanong daw sa kanya na isang kaibigan kung nai-imagine ba niyang gagawin din sa kanya ang ganu’n ng mga anak niya.
“Ang sagot ko: hindi. Kasi alam ko, maayos namin silang pinalaki. At kung dumating ang time na sabihin ng mga anak o kung sinuman ang magpapakasal sa kanila na. ‘Daddy, pwede kami na lang sa kasal? Di na po namin kayo ii-invite?’
“’Okay lang, nak. Kung anong trip nyo. Tapos na naming i-design ng mama nyo ang buhay nyo. It’s about time, kayo naman ang bumuo ng gusto nyo sa buhay.’
“’Importante lang, bubukod na kayo, wag kayo sa bahay ko, kasi choice nyo yan.’
“‘At sa araw ng kasal nyo na hindi kami invited ng mama mo, dapat, wala rin ang parents ng mapapangasawa mo doon. Para mas maintindihan ko ang trip nyo.’
“’Saka wag din kayo makahingi-hingi ng regalo sa akin.’ Charot. Gumanti bigla?! Hahaha!
“But seriously, di rin naman matitiis ng magulang ang anak. At sana, alam nila yan hindi pa man sila nagiging magulang.
“Comment below, baka mali ako,” pagwawakas ni Mama Ogs.
The post Ogie Diaz may hugot sa isyu nina Carlos at Chloe sa Yulo family appeared first on Bandera.
Meet Alvin Dave Ocampo, dating doll enthusiast na isa na ngayong ganap na fashion designer.
Nakilala si Alvin dahil binibihisan niya ang mga Barbie doll ng mga replica ng mga damit ng mga artista.
Dahil dito, nakuha niya ang atensiyon ng mga artista at kilalang fashion designers, gaya nina Michael Cinco at Francis Libiran.
wrong college course
Bagama’t Tourism Management ang kinuhang kurso ni Alvin sa kolehiyo, aminado siyang napilitan lang siyang kunin ito.
Fashion designing ang talagang gusto niyang kuning kurso ngunit sinabihan siya ng kanyang magulang na “hobby” lang ang fashion designing at hindi tunay na trabaho.
Sa kabila nito, nanatili ang kanyang passion sa fashion designing.
Nagmistulang training para sa kanya ang pag-i-sketch ng gowns at dresses at pagbibihis sa Barbie dolls.
Hindi kalauanan, marami na ang nakakapansin ng kanyang talento at galing.
Dumating pa sa puntong sa kanya na nagpagawa ng disenyo ng uniform ang kanilang kolehiyo.
CELEBS START TO NOTICE HIM
Hindi huminto sa kanyang mga kaibigan, mga kaklase, guro, at buong pamantasan nila, ang paghanga na natatamo ni Alvin.
Hindi katagalan, napansin na rin siya ng mga artista’t kilalang fashion designers.
Nagkaroon na rin siya ng kliyente at sinuportahan na ng kanyang mga magulang ang pangarap niyang maging fashion designer.
Matapos mag-college, kumuha ng Fashion Design course si Alvin dahil nandito ang kanyang puso.
Unti-unti na ring nakikilala ang kanyang talento na nagsimula lang sa paglikha ng mga damit para sa mga manyika.
Ngayon, gumagawa na siya ng magagandang gowns at dresses para na sa mga tao.
MAKALIPAS ang dalawang dekada, opisyal nang nagbabalik sa music scene ang SexBomb Girls sa kanilang pinakabagong single na “Mama Mama.”
Isa na naman itong isang espesyal na kabanata para sa iconic group at mahalagang milestone para sa founding member at leader na si Rochelle Pangilinan, na ngayon ay nagsisilbi rin bilang co-producer.
Huling nag-ingay nang husto sa music scene ang SexBomb Girls sa pamamagitan ng mga album gaya ng “Sumayaw, Sumunod: The Best of the SexBomb Girls” noong 2005 at “Daisy Siete: V-Day” noong 2006.
Ngayon, makalipas ang halos 20 years, nagbabalik si Rochelle hindi lang as a performer kundi bilang bahagi rin ng creative force sa likod ng kanilang pinakabagong musical offering.
Para kay Rochelle, ang “Mama Mama” ay patunay kung gaano na kalayo ang kanyang narating bilang isang artist—mula sa pagiging isa sa mga nagbigay-kahulugan sa SexBomb era hanggang sa pagyakap niya sa mas malaking papel sa likod ng kamera bilang isang producer.
May kasama ring music video ang bagong single ng grupo kasama ang mga sumisikat na P-pop acts ngayon.
Baka Bet Mo: Rochelle Pangilinan, Jopay Paguia may iringan nga ba?
Pinagdurugtong nito ang dalawang henerasyon ng musikang Pilipino habang ipinagdiriwang ang matibay na samahan ng grupo, ang walang kupas nilang appeal, at ang kanilang pangmatagalang legacy.
Mula nang ilabas ang music video ng “Mama Mama”, nakakuha na ito ng 2 million views, na nagpapatunay na patuloy pa ring kinagigiliwan ng mga manonood ang SexBomb Girls hanggang ngayon.
Sa pamamagitan ng “Mama Mama,” pinatunayan nina Rochelle at ng SexBomb Girls na may mga bagay na mas bumobonga at nagiging exciting habang tumatagal.
The post NEW ERA: Rochelle Pangilinan co-producer ng ‘Mama Mama’ ng SexBomb appeared first on Bandera.
Marian Rivera made sure to dress up extra nicely for her fans who were present at the launch of her latest endorsement with Kamiseta Skin Lotion.
The event was held last Saturday, April 9, 2022, at Salon De Ning in The Peninsula Manila Hotel, Makati City.
The Kapuso Primetime Queen invited some of her fans to the launch, as a way of thanking them for their unwavering love and support. She had not seen her fans in person for over two years because of the COVID-19 pandemic.
Marian looked extra luxe in her monochromatic OOTD for the event. She wore a muted gold silk midi dress from the Australian brand Shona Joy.
This dress, which is called La Lune Bias Sleeveless Midi Dress, is available on the brand’s website for USD295 or around PHP15,375.25.
Asked how she usually prepares for an event, Marian said, “Ako kasi yung tipong tao na kinukuha ko yung schedule ko ahead of time.
“So kapag may mga event kami, may stylist ako, si Mel, inaayos na namin iyan.”
Melville Sy has been Marian’s go-to stylist for several years. He has recently established Studio 24c, a fashion styling and lifestyle consultancy which he co-founded with celebrity stylist Maita Baello.
Marian revealed that she’s currently “in love” with silk, and that’s what her fans would most likely see her wearing to her future events.
She said, “‘Tapos ang maganda diyan kasi, sinasabi ko na, ‘Ay, more on silk ako ngayon e. Hindi ko alam, in love ako sa silk lately. So yan ang mga ginagawa namin.”
[instagram:
She paired her silk dress with a pair of YSL Furry Mules, which come with a price tag of USD1,195 or around PHP62,265.48 at luisaviaroma.com.
Marian also brought her beige-colored small Chanel classic double flap bag.
Chanel’s medium classic double flap bag in beige caviar leather with gold-tone hardware is currently priced at USD11,250.00 or around PHP586,248.75 on MadisonAvenueCouture.com.
For her accessories, Marian wore her Bvlgari Divas’ Dream Collana necklace in white gold with diamonds.
The necklace was initially launched in 2016 and is currently available on the brand’s website for EUR21,600 or around PHP1.22 million.
PEP.ph (Philippine Entertainment Portal) also spotted Chaumet’s Bee My Love bangle on Marian’s wrist, along with her Spiral Pavé Diamond Bangle from Graff.
The Chaumet’s white gold Bee My Love bangle is available on the brand’s website for GBP4,940 or around PHP335,372.62.
The white gold Graff Spiral bangle with diamonds, on the other hand, comes with a price tag of USD12,000 or PHP624,540, according to the brand’s website.
Marian’s huge diamond stud earrings and diamond rings also added sparkle to her monochromatic OOTD.
Marian’s overall OOTD has an estimated cost of at least PHP2.7 million.
It’s no surprise that the Kapuso Primetime Queen can afford these luxury items since she works hard for them.
“Dugo’t pawis po,” Marian humbly said during the interview.
NEW FLORA VIDA COLLECTION
Meanwhile, Marian confirmed to PEP.ph that she will be releasing another clothing collection under her lifestyle brand Flora Vida.
The Kapuso mom promised that she would release her new collection after she does a photoshoot for it.
She told PEP.ph, “Meron na! Hindi ko lang masingit yung schedule ko kasi ang dami ko lang schedule this month. Ayan o, tinatalakan ko si Jerick sa schedule ko. So ano, meron na.”
Asked what fans can expect from her clothing collection this time, Marian answered, “This time naman, kung parang before mga plain, this one is florals.”
Marian launched her clothing line on Friday, November 5, 2021. Her PHP10,000 monochromatic dress collection was a hit and was even sold out after just three days.
READ MORE:
Marian Rivera’s PHP10,000 Flora Vida dresses are almost sold out
Marian Rivera glows in her first-ever public appearance this 2022
NATATAKOT si Sen. Robin Padilla sa mga magiging epekto sa kabataan ng paggamit ng Artificial Intelligence o AI.
Ito ang inihayag ng action star at public servant sa naganap na pagdinig ng Senado hinggil sa lumalaganap at lumalawak na diskusyon hinggil sa usaping AI.
Sa interpelasyon ng isinusulong ni Sen. Robin na Senate Bill No. 2424 o “Child Online Safety and Protection Act” sa plenary session ng Senado nitong Lunes, September 14, nagsalita nga si Sen. Risa Hontiveros.
Hiningan niya si Padilla ng opinyon kaugnay ng Generative AI, partikular sa mga Chat GPT, Claud, Deep Seek, na madali nang naa-access ng kabataan.
Nabanggit din ni Hontiveros ang mga kaso tungkol sa paggamit ng Generative AI upang lumikha ng mga bomba, gamitin sa child sexual abuse at exploitation materials.
Sagot ni Padilla, “Sa katunayan, sa akin pong mismong personal na Facebook account, nandiyan po ‘yong aking takot na talagang ‘yong AI po ngayon, isang isyu rin po iyan na sa Estados Unidos.
“‘Yong mismong nag-imbento po ng AI ay sinasabi nila na darating ang panahon, na threat sa humanity ang AI,” anang aktor at senador.
Baka Bet Mo: TINGNAN: Ilang Pinoy celebs kumasa sa viral AI ‘80s trend
Sa kasalukuyan, gumagawa na raw ang kampo ni Padilla ng resolusyon kaugnay sa isyu ng AI sa bansa at sana raw ay mapunta sa pagdinig ng komiteng hinawakan niya na Committee on Public Information and Mass Media kapag inilabas na nila ito.
“Kami po ngayon ay nagpo-formulize ng isang resolution patungkol dito at ito po ay idudulog ko rin sa Senado, na sana po ang resolution na ito, kapag binigay namin ay mapunta rin po sa Public Information (Committee) ang pagdinig po dito,” saad ng mister ni Mariel Rodriguez.
“Ito pong Chat GPT na ito, naging isyu na rin po ito kung maalaala ninyo sa Supreme Court. Ito po ay kinatakutan nila dahil ang atin pong mga bagong abogado at mga nag-aaral, nagre-rely na diyan.
“At alam n’yo naman ‘yong mga bata, malikot. Napakadaling tanungin, e, at napakadali mong sagutin.
“Kaya ako po ay handang tumanggap kung ano po ang gusto n’yong gawing hakbang diyan. Dahil ako po mismo, natatakot diyan sa AI,” lahad pa ni Sen. Robin.
The post Robin Padilla natatakot sa masamang epekto ng AI sa kabataan appeared first on Bandera.
