Author: Merrel Briona

LIVING her dream na maging beauty queen ang feeling ni Faith da Silva sa kanyang pagrampa sa upcoming movie na “Red Crown.”

Minsan na rin kasing sinubukan ng Sparkle artist ang sumabak sa mundo ng pageantry noong teenager pa lamang siya.

“Dinaan ko lang talaga lahat sa confidence,” pagbabahagi ni Faith sa panayam ng “24 Oras.”

Siya rin daw madalas ang pinakabata sa mga kandidata noon sa mga sinasalihan niyang pageant.

“Pero somehow, kuya, naipapanalo ko, naiuuwi ko ang korona,” aniya pa.

Sa “Red Crown” din daw natupad ang kanyang pangarap na bumida sa isang pelikula kaya naman todo-todo ang pasasalamat niya sa GMA Pictures.

Sa Oktubre na ipalalabas sa sinehan ang “Red Crown” kung saan makakasama rin niya sina Sanya Lopez, Shuvee Etrata, AZ Martinez, Ashley Ortega, at Skye Chua.

Bukod sa “Red Crown”, busy rin sa taping si Faith para sa upcoming Kapuso medical drama series na “Code Grey” na pinagbibidahan ni Alden Richards.

* * *

Batid talaga ang pagmamahal at suporta ng madla kay award-winning journalist Howie Severino na nitong Biyernes, September 11, lamang ay nag-launch ng kanyang book of essays na pinamagatang “People I Knew (But Some I Didn’t But Wrote About Them Anyway).” 

Ginanap ang kanyang book launch sa Manila International Book Fair sa SMX Convention Center.

Baka Bet Mo: Howie Severino patient 2828: COVID-19 survivor

Marami ang talaga namang sinadyang puntahan ang kanyang book launch para personal na mapakinggan ang kuwento sa likod ng pagkakabuo ng kanyang libro. 

Pinilahan din ang book signing kung saan nabigyan ng pagkakataon ang book enthusiasts at kanyang supporters na makasalamuha at magkaroon ng photo op kasama ang batikang mamamahayag. 

Sinuportahan din si Howie ng kanyang mga kaibigan sa industriya kabilang ang I-Witness co-hosts niya na sina Atom Araullo at Kara David.

Saad nga ni Howie, hindi tungkol at para sa kanya ang libro kundi para sa mga taong malaki ang kontribusyon sa lipunan na hindi dapat malimutan. 

Sey niya sa isang Facebook post, “Hindi ko itinuturing na literature ang librong ito — sa halip, ito ay isang record ng mga taong nabuhay at nag-ambag sa mundo. 

“‘Yan naman ang isang misyon ng journalism, ‘di ba? Ang lumikha ng record ng mga totoong nangyari, at ng mga tao sa gitna nito.”

Ang “People I Knew (But Some I Didn’t But Wrote About Them Anyway) ay inilathala ng UST Publishing House.

The post Faith da Silva dream come true pagiging beauty queen sa ‘Red Crown’ appeared first on Bandera.

Source link

Para matutukan ang mga susunod na maaksyong eksena sa Kapuso action series na “The Master Cutter,” pansamantalang magpapahinga si Dingding Dantos bilang host ng game show na “Family Feud.” Kung sino ang hahalili muna sa kaniya sa programa, alamin.

Source link