Author: Merrel Briona

GAANO nga ba katotoo ang chikang may matinding alitan si Rochelle Pangilinan at ang kapwa niya SexBomb member na si Jopay Paguia?

Matagal nang napapabalita na may samaan ng loob sina Rochelle at Jopay, at iniintriga na ito ang dahilan kung bakit wala ang huli sa bagong music video ng SexBomb Girls para sa bago nilang single na “Mama Mama.”

Aminado si Rochelle na totoo namang nagkakaroon din ng hindi pagkakaunawaan sa kanilang grupo tulad din sa isang pamilya na sinusubok ng iba’t ibang challenges.

Sa guesting ng Kapuso actress at dancer sa “Fast Talk with Boy Abunda” nitong Miyerkules, September 16, kasama ang iba pang members ng SexBomb, sinagot na ni Rochelle ang isyu.

Bago magtanong si Tito Boy tungkol sa hindi pagsali nina Jopay at Sunshine Garcia sa music video ng “Mama Mama” ay nagpasintabi muna siya kay Rochelle.

Sabi ng King of Talk, “Bakit sila hindi kasali sa music video and of course, hindi maiwasan itong pabulong na pinag-uusapan na diumano’y meron kayong hindi pagkakaunawaan ni Jopay. 

“From the bottom of my heart, you may or you may not answer,” pagrespeto ni Tito Boy kay Rochelle.

Mas pinili ng aktres na sagutin ang tanong, “Hindi ko naman talaga ikakaila sa isang pamilya, sa mga magkakaibigan, nagkakaroon talaga yan ng hindi pagkakaunawan.

“Like, nakadepende pa rin yan kung paano maging maayos. Case-to-case basis. Kung gustong maging maayos ng isa, magiging maayos talaga, e,” ang lahad ng Kapuso star.

Baka Bet Mo: Rochelle Pangilinan, Jopay Paguia may iringan nga ba?

“Kasi lagi kong sinasabi sa kanya, sa kanila, sa lahat. General po ako lagi.

“Isa lang dapat ang goal natin kasi, ‘Ano ang gusto ninyo,’ tinanong ko silang lahat, ‘longevity?’ So, ito yung way natin na tatahakin,” paglilinaw ng leader ng SexBomb.

Patuloy ni Rochelle, “Kung gusto n’yo na maging lider ako, e, kailangan rumespeto tayo. Kailangan magkaroon tayo ng respeto sa isa’t isa.

“Kailangan magkaroon tayo ng work ethic. Kailangan magkaroon tayo ng discipline. Maraming kailangang gawin na mapagkakasunduan ng bawat isa,” esplika pa ng 9th The EDDYS Best Supporting Actress.

Paliwanag pa niya, “Kumbaga sa isang boat, kailangan isa lang tayo ng sagwan, kasi hindi pupuwedeng hindi kayo makikinig sa akin, tapos may gusto kayong iba.

“Mahihirapan tayo du’n, hindi natin alam kung saan tayo pupunta. Tinanong ko sila, ‘Ano bang gusto ninyo? Longevity or marami pang work? Kasi kung ayaw ninyo na, I’m good, then stop,’” saad pa ni Rochelle.

“Kasi nakagawa na tayo ng legacy. Hindi na tayo bata para mag-away-away pa sa ganito. Magpapainterbyu dito, ganyan.

“Gagawan pa tayo ng tsismis. Ulam tayo or pulutan tayo sa ganito. Hindi na siya maganda para sa edad natin. 

“So kailangan lang, isa lang tayo ng goal. Kung ayaw mo na, we’re good. Just say it,” sey pa ni Rochelle Pangilinan.

The post Rochelle Pangilinan nagsalita na sa ‘away’ daw nila ni Jopay Paguia appeared first on Bandera.

Source link

PAK na pak ang mga ready-to-wear couture na inirampa ng Kapuso star nansi Heart Evangelista sa katatapos na New York Fashion Week (NYFW).

Agaw-eksena ang OOTD ng Filipina global fashion icon at influencer sa pagrampa sa NYFW – ang kanyang street style as Love Marie. 

But more than the bonggang-bongga at pasabog na outfits, pansin na pansin ng kanyang fans ang mas chill at fun na Heart Evangelista.

Pinusuan at ni-like ng sandamakmak na netizens ang mirror bikini selfie ni Heart na anila’y isang patunay na palaban din ang aktres sa pagpapaseksi sa social media.

Naaliw din ang fans sa post ni Heart na, “Tara. Wag kang maarte.’ Sama na” kalakip ang kanyang pasabog na photos. Kuha ‘yun ng mga friend niyang nakasama sa NYFW.

Komento ng netizens, hindi raw ito ang dating Heart – mas raw ang mga post niya ngayon and unfiltered. Walang arte at enjoying every moment sa katatapos na New York Fashion Week kung saan dumagsa sa Manhattan ang mga malalaking fashion celebrities and leaders mula sa lahat ng sulok ng mundo.

Sinasabing ang NYFW edition every September ang pinakamasaya lalo na’t maraming malalaking celebrity matapos ang finals ng US Open.

Si Heart ay dumalo sa NYFW spring/summer 2027 na nag-umpisa nito noong September 10.

Baka Bet Mo: Heart Evangelista: Wala naman akong kaibigan, basta may pera OK na ‘ko

Bukod kay Heart, kabilang din ang Tennis star na si Alex Eala sa mga rumampang Pinoy doon. Ganu’n din ang Pinay model na si Kelsey Merritt. 

Mas eventful ang season na ito dahil sa pagbabalik ng mga sikat na designer, at pagrampa ng mga sikat na personalidad sa runway.

Ang mga event sa NYFW ay idinaraos sa iba’t ibang lokasyon sa limang borough ng New York. Sa season na ito, ginanap ang fashion shows sa mga kilalang lugar sa Manhattan tulad ng The Plaza at The Rainbow Room, pati na rin sa Flushing Mea¬dows Corona Park sa Queens, at Storm King Art Center.

Consistent ang imbitasyon kay Heart sa malalaking fashion event sa buong mundo.

Kabilang sa mga inirampa ni Heart sa New York ay ang Carolina Herrera classic dress – at aniya “classic doesn’t mean boring.”

Aniya, “Being classic is being remembered. Being timeless is being yourself.”

Pak na pak din ang collection ng Cult Gaia, isang contemporary luxury and designer lifestyle brand na kilala sa artistic and sculptural pieces nito at ang Cos na ready-to-wear pati na ang accessories na very classic at hindi nawawala sa uso ang mga design.

Ang Prabal Gurung designs na isang Nepalese American fashion designer nanaka-base sa New York City.

Inirampa rin niya ang luxury fashion brand Simkahi originally started in New York City in 2010 na ngayon ay naka-base na sa Los Angeles, California.

Ang ganda rin ng mga creation ni Christian Cowan na isang sikat na fashion designer na British pero nakabase sa New York, na kilala sa kanyang high-octane glamour, bold maximalism, and dramatic silhouettes.

Habang ang mga gawa ni Sandy Liang na kilala sa pagpasimuno ng “downtown coquette” na aesthetic, pati na rin sa pagbibigay-pugay sa nostalgic at hyper-feminine girlhood. Idagdag pa riyan ang paandar na mga pieces from Tory Burch.

Una nang naiulat na ang artist-entrepreneur ay opisyal na ngang pumasok sa kanyang jeweler era — a proof that Heart’s fashion influence goes beyond wearing stylish and expensive clothes.

At patok ang kanyang jewelry designs na nagiging statement pieces kaya sold-out agad ang mga ito.

Bago siya dumalo sa September edition ng NYFW ngayong taon, dinaluhan niya ang Paris at Milan Fashion Weeks, kung saan agaw-pansin siya, naging usap-usapan, at nag-trending worldwide.

The post Heart Evangelista pak na pak sa bikini; pinatunayan pagiging classic sa NYFW appeared first on Bandera.

Source link

IPINAGMAMALAKI ng content creator at movie personality na si Sassa Gurl ang tapang at katatagan ng kanyang inang single mother.

Proud na proud na ikinuwento ni Sassa kung paano siya minahal, inalagaan at pinalaki ng nanay niya na ginawa ang lahat para mabigyan siya ng magandang buhay.

Sa panayam ni Kara David para sa video podcast nitong “I-Listen”, nagbahagi si Sassa ng ilang chika tungkol sa inang si Gng. Esther na nagtrabaho bilang kasambahay.

“Hindi pa ako pinapanganak, katulong na si Mama. Si mother kasi, umalis siya sa kanila 16 years old pa lang. Galing siyang Samar. 

“Gusto niya kasing magtrabaho dito sa Maynila hanggang sa napunta siya sa bahay kung saan nakatira yung Papa ko. Tapos yung Papa ko kasi, parang yung may-ari ng bahay, kamag-anak ng Papa ko,” pagbabahagi ni Sassa.

Hirit na biro ng social media at movie personality, “Na-thirst trap niya ang Papa ko. Ayon na, ako na ‘yon (naging anak).”

Baka Bet Mo: Sassa Gurl binugbog ng kaklase, pinagtripan sa school dahil beki

Sey ni Sassa, hindi niya naiintindihan nu’ng una ang trabaho ng kanyang ina bilang kasambahay. 

“Noong una, kasi siyempre, parang ano ako, lumaki ako doon. Ang mga tawag ko sa mga tao sa bahay ay ‘Tito,’ ‘Tita’, so hindi ko na siya naramdaman. Hindi ko naramdaman.

“Pero minsan, nakikita ko na siya yung nagluluto, naglalaba. Eventually, na-gets ko na rin na may trabaho pala rito si Mama. Okay na-realize ko na kasambahay siya,” lahad pa niya.

Patuloy pa niya, “Walang mali doon. Wala rin akong nakitang parang ikahihiya ko. Naintindihan ko naman.”

Natatawang inamin ni Sassa na noong estudyante pa lamang siya ay nagpapanggap daw siyang sila ang may-ari ng bahay na tinitirhan nila at hindi niya rin sinasabi sa mga kaklase na kasambahay ang kanyang nanay.

“Sa school, may mga time na gusto ko magpaka-social climber. Ang sinasabi ko, ‘Kami ang may-ari ng bahay na ‘yan!’ ganon! May mga ganoon akong moments sa buhay na parang feeling ko yaman-yamanan ako.

“Eventually naman, nasabi ko na rin sa kanila, at saka natanggap ko na rin naman sa sarili ko na wala namang masama d’yan (sa pagiging kasambahay). Naikuwento ko na rin naman sa kanila yung totoo.

“Hindi ko ino-open up kasi noong college, wala rin namang pumupunta sa bahay. Naglakas ng loob na akong ikwento ito sa mga mga tao noong nagtatrabaho na ako at nalaman ko na ang power ng pera. 

“Kasi yung nanay ko, kahit hindi siya nakapag-aral, nakakagawa siya ng pera. So, naging proud talaga ako sa storya na ‘yon at gusto ko talaga siya ikuwento kahit saan,” sabi pa niya.

Habangbuhay daw niyang ipagmamalaki ang ina, “Yung nanay ko napagtapos niya ako ng college sa pagkakasambahay at single mom lang siya.”

The post Sassa Gurl: Hindi pa ako ipinapanganak, katulong na si Mama appeared first on Bandera.

Source link