Author: Merrel Briona

ILANG beses nag-pregnancy test ang Kapuso star na si Glaiza De Castro para masigurong buntis na nga siya.

Hindi agad naniwala ang premyadong aktres na pregnant na siya sa unang pag-try niyang mag-test.

Nag-share si Glaiza ng ilang mahahalagang detalye sa kanyang pregnancy journey sa guesting niya recently sa “Fast Talk with Boy Abunda.”

“Hindi siya nag-sink in agad. Parang siguro I had mga five pregnancy tests. 

“Kasi hindi ako makapaniwala. And at the time, wala po si David nasa Ireland,” simulang pagbabahagi ng aktres.

Chika pa ni Glaiza, bumalik siya sa Ireland dahil may family trip ang asawa niyang si David Rainey. One week daw siyang delayed sa kanyang kabuwanan, na hindi madalas mangyari.

“Nu’ng lumabas ‘yung resulta na nag-positive, may dalawang linya. Tinitingnan ko lang. Tapos nandu’n lang ako sa kama ko. ‘Totoo ba ito?’” natatawang kuwento ni Glaiza.

Baka Bet Mo: Angelica Panganiban napamura nang malamang buntis si Glaiza de Castro

Patuloy pa niya, “Hindi talaga siya parang soap opera. Lahat ng mga ginawa ko sa soap, hindi ‘yun ‘yung nangyari sa totoo buhay. 

“Kumbaga stunned. I was so stunned. And I couldn’t believe kung ano ‘yung nakikita ko,” aniya pa.

Of course, ang una niyang sinabihan na buntis na siya ay si David kasunod ng pagpapakonsulta niya sa kanyang OB-Gyne.

“Nu’ng tumatawag na siya, nanginig na ako, Tito (Boy). Nanginig ako, parang, ‘Oh my God! Tumatawag siya.’ Tapos, nu’ng tinawagan niya ako, sabi niya sa akin, ‘Congratulations! 

“(Sabi ko) Napakagandang balita naman ito. Ang gandang sorpresa naman itong binigay mo sa akin,’” ang sey pa ni Glaiza nang makausap ang kanyang OB.

Nauna rito, sinabi ni Glaiza na “disappointed” ang kanyang OB-Gyne sa mga nakaraang resulta.

“Because hindi ‘yun ‘yung in-expect niya. Kumbaga may kailangan kaming baguhin sa lifestyle namin. 

“Like ako, medyo mataas ‘yung cholesterol ko. Ganu’n. Parang in a way, medyo bumaba ‘yung hope niya na magiging natural pa ‘yung pagko-conceive,” saad pa ng aktres.

“Nu’ng nalaman ko, nu’ng nag-compute ako kung kailan ako due date, January, du’n ako naiyak. 

“Kasi sabi ko, ‘wow, what a wonderful gift.’ Kasi answered prayer talaga siya, na matagal na namin pinagpe-pray. Tapos nu’ng finally, nalaman ko na birth month ko siya isisilang. In a way, magkabuwan kami,” excited pang sabi ni Glaiza.

Inalala rin ni Glaiza ang mga struggles at challenges sa first trimester ng kanyang pagbubuntis, “Rollercoaster of emotions po talaga. Mahirap po.”

Ito rin daw yung panahon na ginagawa niya ang “Virgin Labfest”, ang kanyang theater debut.

“Nagta-travel ako from Quezon City to CCP twice a week. And I was really struggling. 

“Tapos pinagpe-pray ko na sana wag akong…mag-faint sa stage or magsuka sa stage. Kasi before and after ko po nararamdaman ‘yung pagod, ‘yung morning sickness,” ang pagbabahagi pa ni Glaiza. 

The post Glaiza de Castro 5 beses nag-pregnancy test: Hindi ako makapaniwala!  appeared first on Bandera.

Source link

NAKIISA na rin ang award-winning veteran actor na si John Arcilla sa mas tumitindi pang panawagan para sa pagsasabatas ng CADENA Act.

Ilang kilalang celebrities na ang tumindig para sa Citizen Access and Disclosure of Expenditures for National Accountability (CADENA) Act kasunod ng mga nangyaring pagbaha sa iba’t ibang bahagi ng bansa.

Sa kanyang Facebook account, nag-share si John, na mas kilala sa kanyang papel sa pelikulang “Heneral Luna”, ng isang post na nananawagan sa kapwa content creator na paingayin ang panukalang batas ni Sen. Bam Aquino.

“Calling all Content Creator na paingayin ang panukalang batas ni Bam Aquino ang ‘CADENA ACT.’ 

“Walang kulay ang batas na ito.Dahil lahat ng Senador pabor dito, Kahit dito manlang magkaisa tayo,” ang mababasa sa post.

Nakapasa na ang Senate Bill No. 1506 ni Sen. Bam sa ikatlo at huling pagbasa sa Senado noong Disyembre 15, 2025, sa botong 17-0, nang walang tumutol o nag-abstain. Subalit hanggang ngayon ay hindi pa rin ito umuusad sa Kamara.

Hindi ito ang unang pagkakataon na nagpahayag si John ng suporta sa panukala ni Sen. Bam, na kilala rin bilang Blockchain the Budget Bill.

Baka Bet Mo: John Arcilla awang-awa sa tindera ng isda; binanatan bansang korap

“Ang panukalang ito ay hindi si Senator Bam Aquino ang makikinabang kundi ang Mamamayang Pilipino. Mabuhay po kayo Senator,” ayon kay John sa isang Facebook post.

Binigyang-diin ng aktor na ang paggamit ng blockchain technology sa pagba-budget ng gobyerno ay magtitiyak ng transparency at accountability sa paggamit ng pondo ng bayan.

Sa ilalim ng CADENA Act, inaatasan ang lahat ng ahensya ng pamahalaan na mag-upload at regular na magpanatili ng detalyadong mga dokumentong may kaugnayan sa badyet—kabilang ang mga kontrata, halaga ng proyekto, bills of materials, at mga rekord ng procurement—sa isang Digital Budget Platform.

Layunin ng sistema na matiyak na ang lahat ng file ay pampublikong maa-access, protektado laban sa hindi awtorisadong pagbabago, nasusubaybayan, open-source, at nabe-verify.

Nauna nang nagpahayag ng suporta sa CADENA Act ang iba’t ibang mga artista, musikero at influencer sa panukala, kabilang na ang beteranong aktor na si Edu Manzano, Cinemalaya Best Actress Pokwang, radio host na si DJ JhaiHo, digital creator na si Aviona Starr, content creator na si Lexi Mercader, at vlogger na si Kimifierce.

Nag-share at nag-like naman sa post Sen. Bam na nagbibigay-diin sa kahalagahan ng CADENA Act sa pagpuksa ng korapsyon at pagtataguyod ng transparency sa pamahalaan sina Rivermaya frontman at drummer Mark Escueta, theater actor Phi Palmos, dating Pinoy Big Brother (PBB) housemate Justin Dizon, comedienne at actress Inah Evans, influencer Andrea Guevarra, athlete at entrepreneur Enzo Bonoan, Moy Ortiz ng The Company, singer Cooky Chua, host Mela Habijan, at musician Aiman Borres. 

The post ‘Heneral Luna’ John Arcilla muling tumindig para sa CADENA Act appeared first on Bandera.

Source link

Kababalik pa lang ni Kapuso actress Rhian Ramos mula sa kaniyang bakasyon, ngunit balik-trabaho na agad siya. May pasilip siya sa kaniyang bagong project sa GMA Network na aniya’y action-packed.

Source link