MASAYANG ibinalita ng seasoned actress na si Ruffa Gutierrez na cancer-free na ang kanyang amang showbiz icon na si Eddie Gutierrez.
After daw ng isinagawang medical consultation sa Singapore, idineklara na nga ng mga doktor na magaling na si Tito Eddie sa kanyang karamdaman.
Nakausap ng BANDERA si Ruffa after ng advance screening ng latest movie niyang “Red Crown” under GMA Pictures sa Uptown Mall Ultra Cinema sa BGC, Taguig City.
At dito nga niya ibinahagi ang good news tungkol sa kalusugan ng kanyang ama. Talagang isinikreto raw muna ng pamilya ang pagkakaroon ni Tito Eddie ng cancer.
“I want to share with you the good news, my dad is cancer free. Itinago namin iyon sa inyo, because we did not really want to talk about what was happening with my dad,” simulang pagbabahagi ni Ruffa.
Pagpapatuloy pa niya, “We found out the good news two weeks ago that he is cancer free and is really getting better. Iyon ang good news. Happy kami.”
Nagpasalamat ang aktres at former beauty queen sa lahat ng mga taong nagdasal para sa kalusugan ng kanyang tatay.
“There was one time we were really worried about my dad. Alam niyo naman iyon. We asked for prayers. We brought him to Singapore.
Baka Bet Mo: Ruffa Gutierrez naiyak sa tribute ng ex-husband: ‘I chose love for our children’
“A lot of people prayed for my dad. I want to thank them for their prayers. It really worked.
“Maraming salamat sa fans ng daddy ko, marami overseas. Thank you so much for the prayers they really worked because now my dad is better,” aniya pa.
Samantala, muling nanawagan si Ruffa sa mga nagpapakalat ng fake news sa social media matapos mabalitang pumanaw na ang kanyang nanay na si Annabelle Rama.
“Hindi totoo yung fake news na iyon. She is definitely not dead. She is alive and kicking. Thank God,” ani Ruffa.
Pakiusap pa sa mga vloggers, “Hindi lang para sa akin, wag na kayo gumawa ng fake news, kasi nakakasira kayo ng buhay. Alam ko kailangan niyo kumita, mahirap buhay ngayon, but maybe find ways and means that are positive, and can inspire other people.”
Sey pa ng aktres “100 percent healthy” si Tita Annabelle na nama-manage naman daw ang pagiging diabetic.
“For her birthday, ang wish namin for mommy is to be more sporty, to eat more healthy, to walk around, use her legs.
“For my mom we are just praying for her to be more healthy. And wag sana kumain masyado ng lechon. Mataas kasi palagi blood pressure and sugar,” pagbabahagi pa ni Ruffa.
Anyway, showing na ngayon sa mga sinehan nationwide ang satirical comedy-thriller na “Red Crown” mula sa direksyon ni Dominic Zapata.
The post Eddie Gutierrez cancer free na; Ruffa nanawagan sa mga ‘fake news’ vlogger appeared first on Bandera.