WALA talagang mintis ang PMPC Star Awards sa pagkakaroon ng mga isyu pagkatapos ng Gabi ng Parangal.
Aware naman dito ang mga taong bumubuo sa award-giving body at palagi naman nilang pinagbubuti ang pagbibigay nila ng parangal taun-taon.
Ilang linggo bago ang 42nd PMPC Star Awards for Movies ay may kumalat na leakage na aksidenteng na-post sa “FB reels” ng isa sa miyembro na kaagad ding binura pero siyempre mas mabilis ang pag-screenshots ng mga nakakita.
Kaya sa mga nakaalam ay expected na nila ang mga mananalo kagabi sa Winford Hotel kung saan ginanap ang awards night pero may isang sumablay, ang Movie Director of the Year category na dapat ay tabla sina Sigrid Andrea Bernardo para sa “I’m Perfect” at Lester Pimentel Ong for “Delivery Rider” na napapanood sa Netflix.
Baka Bet Mo: Paulo Avelino Outstanding Asian Star sa Korea; nagbigay update kay Kim Chiu
Anyway, kanya-kanyang bulungan nang hindi tinawag si Direk Sigrid at solo lang ni direk Lester ang award.
Hindi pa namin napanood ang “Delivery Rider” kaya wala kaming comment pero kilala namin si Direk Lester dahil sa mga programa niya sa Star Creatives at wala kaming masabi, magaling talaga siya saludo kami lalo na ang “Incognito”, grabe walang mintis ko itong sinusubaybayan sa Netflix kaya nu’ng may part 2, ang saya-saya namin dahil may aabangan na naman kami gabi-gabi sa 2027.
Pero kasi para sa amin, mahirap idirek ang mga taong may DS at kailangan mo ng napakahabang pasensiya at panahon para mapa-arte at mapasunod sila dahil alam naman ng lahat na limitado ang kakayahan ng mga may special needs.
At dahil Movie of the Year ang “I’m Perfect”, bakit hindi nakamit ni Direk Sigrid ang Movie Director of the Year? Gusto na lang naming isiping hinati na lang ang award niya kasi siya naman ang nagwagi sa Movie Screenwriter of the Year.
Ang saya-saya pa rin ni Direk Sigrid nang tanggapin niya ang Best Movie Screenplay dahil madagdagan na naman ang diplay niya sa kanyang eskaparate at kahanay din ng ibang napanalunan niya sa PMPC tulad ng Movie Director of the Year for “Kita Kita” (2018) at “Untrue” (2022). Win din siya Movie Screenwriter of the Year para sa “Kita Kita.”
At base sa mga nanalo ngayong 42nd PMPC Star Awards for Movies ay deserving ang lahat ng nanalo at wala namang kuwestionable sa kanila.
Congratulations PMPC!
Narito ang listahan ng iba pang mga nanalo:
Movie of the Year: ImPerfect
Movie Director of the Year: Lester Pimentel Ong (The Delivery Rider)
Movie Actor of the Year: Jericho Rosales (Quezon)
Movie Actress of the Year: Maris Racal (Sunshine) at Maricel Soriano (Meet, Greet & Bye)
Indie Movie of the Year: Sunshine
Indie Movie Director of the Year: Antoinette Jadaone (Sunshine)
Movie Supporting Actor of the Year: Richard Quan (How to Get Away with My Toxic Family)
Movie Supporting Actress of the Year: Sylvia Sanchez (Imperfect)
New Movie Actor of the Year: JM Ibarra (Child No. 82: Anak ni Boy Kana)
New Movie Actress of the Year: Krystel Go (Imperfect)
Movie Child Performer of the Year: Lucas Andallo (Call Me Mother)
Movie Ensemble Acting of the Year: Meet, Greet & Bye
Indie Movie Ensemble Acting of the Year: Lasting Moments
Best Indie Movie Sound Engineer: Lamberto Casas Jr., Kevin Padilla (Journeyman)
Best Movie Sound Engineer: Fatima Nerikka Salim, Immanuel Verona (Quezon)
Best Indie Movie Musical scorer: Rico Blanco (Sunshine)
Best Movie Musical Scorer: Paolo Protacio (100 Awit para kay Stella)
Best Indie Movie Production Designer: Lav Diaz (Magellan)
Best Movie Production Designer: Monica Sebial (Quezon)
Best Indie Movie Editor: Benjamin Tolentino (Sunshine)
Best Movie Editor: Marya Ignacio (I’mPerfect)
Best Indie Movie Cinematographer: Pong Ignacio (Song of the Fireflies)
Best Movie Cinematographer: Pong Ignacio (Quezon), at Raymond Red (Manila’s Finest)
Best Indie Movie Screenwriter: Dustin Celestino (Habang Nilalamon ng Hydra ang Kasaysayan)
Best Movie Screenwriter: Sigrid Andrea Bernardo (I’mPerfect)
Best Short Movie Director: Arvin Belarmino & Kyla Danelle Romero (Agapito)
Best Short Movie: City’s Laundry and Taxes
Best Documentary: Food Delivery: Fresh from the West Philippine Sea
Speacial Awards:
Hall of Fame as Movie Actress: Vilma Santos
Hall of Fame as Movie Screenwriter: Ricky Lee
Hall of Fame as Movie Sound Engineer: Albert Michael Idioma
Nora Aunor Ulirang Artista Lifetime Achievement Award: Sharon Cuneta, Rez Cortez
Ulirang Alagad ng Pelikula sa Likod ng Kamera Lifetime Achievement Awardee: Alex Muhlach
Ethel Ramos Dean’s Lister: Erlinda Rapadas at Joe Barrameda
Darling of the Press: Chris Cahilig
Takilya King: Vice Ganda (Call Me Mother)
Takilya Queen: Nadine Lustre (Call Me Mother)
Movie Loveteam of the Year: JM Ibarra and Fyang Smith (Shake, Rattle & Roll: Evil Origins)
The Philippines’ King of Prosthetic Transformation: Wilbert Tolentino
Doye’s Skin Face of the Night: Maris Racal, Tony Labrusca
Playtime Movie of the Year: Call Me Mother (may P100,000 cash prize)
The post Maris, Maricel best actress; Jericho best actor sa 42nd Star Awards for Movies appeared first on Bandera.