NAGLABAS ng resibo ang showbiz icon na si Christopher de Leon para patunayan kung gaano kabait at kadisente ang Asia’s Multimedia Star na si Alden Richards.
Puring-puri ni Boyet si Alden na inilarawan niyang sweet at masayahing tao contrary sa first impression niya na mahiyain ito sa tunay na buhay.
Magkasama sila sa upcoming medical drama series ng GMA 7 na “Code Grey” kung saan pareho silang gumaganap na doktor.
Mas tumaas pa raw ang paghanga niya sa Kapuso superstar dahil sa nasaksihan niyang dedication and professionalism sa trabaho.
“Very sharp. Sharp guy. I thought he was like a shy type,” ang paglalarawan ni Christopher kay Alden sa panayam ni Ogie Diaz.
“‘Yung ginagawa namin ngayon is Code Grey. Tungkol ‘to sa mga doctors. I play the chief director of the hospital. Resident sila.
“Nahihirapan kami sa mga terms, ‘yung medical terms. Wow! Tongue twisters lahat. But we have to memorize all of them,” saad ng premyadong veteran actor.
Baka Bet Mo: Alden Richards niligawan 5 taga-showbiz: Mailap lovelife sa ‘kin
Pagpapatuloy ni Boyet, “Si Alden, I find him so sweet and funny. I don’t know. He’s like a kid pala.
“Every time nakikita ko siya, maski na siguro ‘yung mga ordinaryong tao na nakakakita sa kanya are very, like, tahimik, very respectful.
“Pero sa set, ano pala siya he’s a jolly and a nice person,” lahad pa ng movie icon.
Inihalintulad din niya si Alden sa ilang sikat na artistang nakatrabaho na niya sa mga teleserye at pelikula na mga disiplinado at walang kaere-ere.
“Bow ako sa mga actors ngayon, very disciplined. They know how to handle their money.
“Look at Coco (Martin) now. Look at Richard (Guitierrez). Alden, look at Alden. He’s doing well. Negosyante. Look at Piolo (Pascual), negosyante.
“They’re all disciplined and they’re professional. Very professional, except for some, not all.
“Pero mas malaking porsyento ng ‘yung professional. They know how to handle their money. They’re on time sa set,” pahayag ni Boyet.
Makakasama rin sa “Code Grey” sina Romnick Sarmenta, Andrea Torres, Faith Da Silva, Allen Ansay, Shuvee Etrata, Joross Gamboa, Christian Bautista, Kristoffer Martin, at Jon Lucas.
The post Christopher de Leon shookt kay Alden: Sweet, funny, he’s like a kid pala appeared first on Bandera.