OF course, proud tatay si Kapuso Primetime King Dingdong Dantes sa pasabog na performance ng kanyang nga anak na sina Zia at Sixto.
Ipinagmalaki ng premyadong aktor at TV host sa buong universe ang ipinakitang talento ng mga anak nila ni Marian Rivera on stage.
Parehong nag-perform sina Zia at Sixto para sa concert recital ng RMA Studio Academy titled “Destination: World Stage” na ginanap last November 5 sa Proscenium Theater.
Sa kanyang Instagram post, ibinahagi ni Dong ang pagkanta ni Zia ng “Rolling in the Deep” ni Adelle at ang pagda-drums ni Sixto sa kaparehong song sa hiwalay na performance.
“It was the first time for both of them to be on that kind of stage,” ang simulang mensahe ni Dingdong sa kanyang post.
Pagpapatuloy niya, “I’ve missed a lot of their milestones because there were days I couldn’t get away from work, even though all I wanted was to be there with them.
“Too many times, I’ve had to ask, ‘How did it go?’ when I wished I’d seen it for myself,” pagbabahagi pa ng Kapuso superstar.
Baka Bet Mo: Marian Rivera gaganap bilang kabit ng pangulo ng Pinas, kinumbinsi ni Dingdong
Aniya pa, “Being able to keep this weekend free meant a lot to me, especially knowing how hard that can be when both parents are working. I wanted to be present. And this time, I was.
“Proud is an understatement. Manghang-mangha ako. Ilang gabi bago ang recital, paulit-ulit na sinasabi sa amin ni Zia kung gaano siya kinakabahan.
“Si Sixto naman, chill lang. Magkaiba sila ng paraan ng pagharap sa moment na ’yon. Buong tapang silang umakyat sa stage, at ang pinakatumatak sa akin, yung saya sa mga mata nila.
“I got to sit there and watch our kids do what they love, and I didn’t want to miss a thing,” lahad pa ni Dong.
May pa-shoutout din siya sa kanyang wifey na si Marian, “And of course, they wouldn’t have been able to do any of this without their mom.
“Marian has been there for them every step of the way, including so many moments I’ve only heard about afterward (with pictures and videos, of course). I’m so grateful for her,” saad pa ng premyadong Kapuso actor.
Ikinasal sina Marian at Dingdong noong 2014 at isinilang ang panganay nilang si Zia taong 2015, habang ipinanganak naman si Sixto noong 2019.
The post Dingdong Dantes sa pasabog ng 2 anak: Manghang-mangha ako! appeared first on Bandera.