LAUGH trip ang madlang pipol sa episode ng programang “Raffy Tulfo in Action” na may titulong “Mr, Ayaw Makipag-Esmiringhuy kay Mrs”.
Pak na pak ngayon ang salitang “esmiringhuy” o “ismiringhuy” dahil nga sa rebelasyon ng isang babaeng nainterbyu sa programa ni Sen. Raffy Tulfo.
Kinilala ang ginang na si Evelyn Batuigas na naglantad sa buhay nila ng kanyang mister na dating Overseas Filipino Worker (OFW) na si Ronald Batuigas.
Sa kuwento ni Evelyn, madalas daw niyang nahuhuling may ibang babae ang kanyang asawa.
Bukod dito, hindi na raw sila nakakapag-ismiringhuy o nagse-sex ni Ronald dahil pinayuhan daw ito ng doktor na huwag mag-inom at bumembang.
“Hindi raw siya puwedeng uminom, hindi daw siya puwedeng ma-stress, kasi ipinagbawal ng doktor, hindi daw siya puwedeng mag-ismiringhuy. ’Yung magbembangan ba,” ang kuwento ni Evelyn.
Sumbong pa niya, “Sinuyu-suyo ko na siya. Nilambing-lambing ko siya, sabi ko, ‘Bago tayo maghiwalay, mag-ismiringhuy muna tayo. Para last na lang na ano. Ayaw niya.”
Agad na nag-viral ang video clip nina Evelyn at Ronald sa programa ng senador kasabay ng pagkalat ng mga memes gamit ang salitang “ismiringhuy” na maaari ring gamiting pagtukoy sa “breakup sex” tulad ng nais ni Ginang Evelyn.
Baka Bet Mo: Onemig Bondoc nabastusan sa ‘bembangan’ comment sa kanila ni Aiko
Kung matatandaan, nauna nang sumikat ang salitang “bembang” na ang ibig pakahulugan ay pakikipagtalik. Pwede rin itong gamitin sa intense na pagniniig ng dalawang tao sa kama.
Sa Binisaya online dictionary naman, ang meaning ng “ismiringhuy” ay, “A prostitute who attracts customers by walking the streets,” o “A woman who engages in sexual intercourse for money.”
Ginagamit din sa Cebu City ang salitang “ismiringhuy” bilang pamalit na terminong tumutukoy sa kalaswaan at “kabit.”
The post ‘Bembangan’ laos na agad, ‘esmiringhuy’ pak na pak sa closure sex appeared first on Bandera.