DUMATING na sa Pilipinas ang sikat na Hollywood star at humanitarian na si Angelina Jolie bilang speaker para sa 2026 ASEAN Inclusive Growth Summit.
Ayon sa mga ulat, lumapag ang eroplano ng Oscar-winning actress sa Ninoy Aquino International Airport Terminal 1 ngayong Martes ng umaga, November 10.
Makikita rin sa ilang video sa social media na pinalibutan ng maraming bodyguards ang aktres habang papalabas ng airport suot ang mahabang brown na trench coat at naka-shades.
<iframe src=" width="500" height="754" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>Baka Bet Mo: Jo Koy, Nicole Scherzinger may ‘star’ na sa Hollywood Walk of Fame
Magugunitang kinumpirma ng Mastercard Center for Inclusive Growth, ang host ng summit, ang balita tungkol kay Angelina patungkol sa nasabing summit.
Ang sey pa nga sa kanilang post: “For more than two decades, Angelina has championed human rights, advocated for refugees and displaced communities, and worked to protect vulnerable populations around the world.”
Anila, “On Nov. 11, she joins leaders and changemakers in Manila to explore new perspectives on opportunity, inclusion, and building a more resilient future across Southeast Asia.”
Maliban kay Angelina, kasama rin sa mga speaker ang Broadway icon na si Lea Salonga, beauty queen na si Kylie Verzosa, at Filipino fashion designer na si Rajo Laurel.
Ang 2026 Asean Inclusive Growth Summit ay isang panrehiyong pagtitipon ng mga lider at propesyonal mula sa iba’t ibang industriya na nakatuon sa pagtalakay kung paano makatutulong ang mga pangunahing sektor ng paglago sa pagkamit ng kaunlarang pakikinabangan ng lahat sa buong rehiyon.
The post Angelina Jolie nasa Pilipinas na para sa 2026 ASEAN Inclusive Growth Summit! appeared first on Bandera.