GORGY RULA
Namataan ng PEP Troika si Eric Quizon sa selebrasyon ng anibersaryo ng 88 VIP Ventures Corp and VIP 88 IT Solutions Inc. through Future Footprint 2026 na ginanap sa Cine Trigger, Quezon City, noong Biyernes, Mayo 29, 2026.
Ang naturang kumpanya ay may partnership sa financial services na JuanPay, healthcare and wellness na JuanMeds, global connectivity na JuanCollab, at sa remittances na Palit PH.
Si Eric and endorser ng JuanMeds. Nagbigay sita ng talumpati sa mga ginawa niya bilang endorser nito.
Nakita namin doon ang booth ng Pidol’s Bakeshop na pag-aari ng magkakapatid na Quizon.
A POSSIBLE COLLABORATION
Sabi ng CEO ng naturang kumpanya na si Chico Rico Fernando, inaayos na raw ang collaboration ng Pidol’s’ Bakery sa JuanMeds.
“Why not?” bulalas ng actor-director na si Eric.
“I mean, I’ve been working with this group, since January. Pero so far, okay naman ang relationship namin.
“We’ll see. We’re still in infancy stage. Mukhang promising naman itong JuanMeds. “We’re looking at a possibility of them marketing Pidol’s bakeshop.
“So, kasi sina Rico, yung mga boss natin, sina Jeff, nagpunta sila sa isang bakery, natuwa sila, ahhh sabi nila, kasi the pharmacy has essentials e.
“So, sabi nila, baka puwede na maglagay ng bread sa JuanMeds. So, pinag-uusapan namin yun. That’s why we’re here. We’re looking at a possibility.
“But it was very promising. So, we’ll see. It’s an opportunity. Basically talaga, yung mga nangyayari, yung mga opportunities naman lumalapit sa amin, e,” dagdag ni Eric.
Read: Matty Juniosa finishes fourth in Britain’s Got Talent Season 19
NOEL FERRER
Sabi pa ni Eric Quizon, ayaw nilang magpa-pressure na magkakapatid sa mga sinimulan nilang negosyo.
Kung meron lang daw pagkakataon, at kung maganda naman ang offer, nagkakasundo silang ituloy ito.
Ani Eric: “Yes, we’re getting into it, pero not necessarily naman talaga na yung family namin magaganun.
“Although, yes… like I said, pero ako, para sa akin, it’s more on his legacy. Right now… no pressure. I don’t want to put myself in any pressure.
“Kasi mahirap magpatakbo ng isang kumpanya.
“So, that’s why, kamukha nito with Pidol’s Bakeshop, it’s just more on raising my Dad’s name, the family is endorsing it.
“So, with Banayad Whisky, dahil nga sa Daddy ko yun, ginawa niya iyun. Kaya pinagpapatuloy lang namin yung legacy.”
KEEPING THE DOLPHY LEGACY ALIVE
Nagpapasalamat daw si Eric sa magandang iniwan ng kanilang ama.
Nakakatuwa raw na marami ang interesado sa mga negosyo nila dala ang pangalan ni Dolphy.
Kahit sa social media ay buhay na buhay pa rin ang mga nakakatuwang eksena ni Dolphy sa sitcom at pelikula niya.
Aniya: “Una sa lahat, I can never be thankful enough. Kumbaga, parang kulang yung magsabi ako sa Daddy ko na maski nasa langit na siya.
“But, ‘Thank you Daddy for all of these.’ Because, dun natin nakikita na iba talaga yung naging impact ng daddy ko sa Philippine society.
“Pag napapanood ng mga tao yung mga ginawa niya, parang timeless. So, parang… people still laugh at his old movies. Maski paulit-ulit, natutuwa sila.
NOOD KA MUNA!
“So, kumbaga, yun lang yung masasabi ko. Yung impact ng daddy ko na napasaya niya ang maraming Pilipino, yun pa lang natutuwa na ako.
“So, kami din, ang mga anak niya, even if ayaw namin o hindi namin pinupursige, basta kusa na lang siyang dumarating.
“Kaya ako, pag dumarating yun, ipagpatuloy ko pa rin talaga na matuloy yung legacy. May dating talaga pag kasama siya,” sey ni Eric.
Read: Star Worx denies rumors of Johnny Manahan’s exit from TV5
JERRY OLEA
Bukod sa mga negosyo nilang magkakapatid, tuloy pa rin si Eric Quizon sa pinagkakaabalahan niya bilang actor at director.
Kasali siya ngayon sa bagong drama series ng GMA-7 na Delivery Boi na pinagbibidahan ni Will Ashley.
“I don’t like idle. Ayoko nang walang ginagawa,” pakli ni Eric.
“Sa sobrang dami ng mga ginagawa ko para sa pamilya. Me, directing and acting is an outlet, e. It’s an outlet for me.
“Kasi una, walang pressure, kasi ako lang yun, e. Sa akin lang yun.
“Me directing a movie or acting in a movie, ako lang yun as Eric Quizon.
“The business kasi, involves family, other people. So yun, may ano yun. May responsibility.
“Ako kasi, ang acting ko, responsibilidad ko lang yun sa sarili ko. So, I really don’t consider it work.
“It is work, mahirap yung ginagawa. Pero sa akin kasi, outlet ko yun,” saad ni Eric.
PROJECT BABY
Sa June 10 magso-showing ang Project Baby ng Regal Entertainment na idinirek ni Eric.
Itinuring din niyang project baby itong pelikulang pinagbibidahan nina Sue Ramirez at Rico Blanco.
“Ang paggawa ng pelikula, parang project baby din yan, e. Inaalagaan mo yan. You nurture it, pinapaganda mo, pinagbubuti mo.
“So, if ever there is a fulfillment na ginagawa ko to, it’s something na people will talk about,” saad ni Eric.
Read: Sugar Mercado, HORI7ON Jeromy win Stars on the Floor Season 2