Author: Merrel Briona

NAGBABALIK ang minamahal na boses ng nag-iisang Gary Valenciano sa isang Coco Martin series.

Si Mr. Pure Energy ang kumanta ng bagong theme song ng Kapamilya teleseryeng “Coco Martin’s Sigabo.”

Pagkatapos maging parte ang kanyang mga kanta sa “FPJ’s Ang Probinsyano” at “FPJ’s Batang Quiapo,” inawit naman ngayon ni Gary V ang bersyon ng makabagbag-damdaming “Kung Kailangan Mo Ako” na magbibigay ng bagong kulay sa landas na tatahakin ni Gabo (Coco) sa serye.

Sinisimbolo ng kanta ang bagong pananaw sa buhay ni Gabo dahil sa labis na pag-aalala at pag-aalaga para sa kanya ni Sam (Julia Montes), na hindi kinasanayan ni Gabo dahil noon pa ay sanay siyang humarap sa mga laban at pagsubok ng mag-isa.

Sa patuloy na pagpapanggap nina Gabo at Sam bilang mag-asawa, tuluyan na bang mauuwi sa tunay na pag-iibigan ang mga pusong nagkukunwari?

Samantala, kunwari lang ang pagiging mag-asawa nina Gabo at Sam sa “Sigabo,” pero totohanan ang kilig na hatid nina Coco at Julia sa viewers at netizens dahil sa kanilang natural na chemistry at mga eksenang punong-puno ng lambingan.

Pinakilig nila ang CocoJul fans dahil napanood nga sina Gabo at Sam na sweet na nagsayaw at nagpalitan ng matatamis na ngiti sa birthday party ni Rudy (Joey Marquez), ang ama ni Gabo.

Baka Bet Mo: Coco Martin napatawad na si Katherine Luna; ipaaayos pati ngipin

Sa kabila ng kanilang masayang pagsasama, hindi pa rin nalilimutan ni Sam ang tunay niyang pakay. Nagpapanggap siyang may amnesia upang maimbestigahan si Gabo at malaman ang koneksyon nito sa kaaway niyang pamilya ng mga Zafra.

Ngunit habang nagpapatuloy ang kanilang pagpapanggap, tila unti-unti na ring nagiging totoo ang kanilang nararamdaman. Patuloy namang umaarangkada ang kilig at good vibes na hatid ng kanilang mga eksena gabi-gabi.

“Gusto namin kahit paaano makapagbigay kami ng inspirasyon, kilig, at saya sa bawat Pilipino. 

“Sa pamamagitan ng ‘Sigabo,’ sa munting oras na nakakasama natin sila gabi-gabi, sana’y napapaligaya natin sila, napapatawa, at nare-reminisce ’yung mga mag-asawa. 

“At siyempre, para magkaroon din ng inspirasyon ang mga kabataan,” ani Coco sa behind-the-scenes video na inilabas ng CCM Film Productions.

Hanggang kailan maitatago nina Gabo at Sam ang kanilang mga lihim? At ang kunwariang pagmamahalan ba nila ay mauuwi sa totohanan?

Huwag palampasin ang aksyon, drama, at kilig sa “Coco Martin’s Sigabo” gabi-gabi mula Lunes hanggang Biyernes, 8 p.m. sa ALLTV2, TV5, A2Z, Kapamilya Channel, Kapamilya Online Live sa YouTube at Facebook, at iWant. 

The post Gary Valenciano pasok na rin sa ‘Sigabo’, muling kumanta ng theme song appeared first on Bandera.

Source link

“Midnight Girls,” starring Sanya Lopez, Loisa Andalio, Jane Oineza, and Jodi Sta. Maria is coming to Netflix.

Source link

MAS pinili pala ng singer-actor ang kanyang career kaysa sa magandang aktres kaya nauwi sa hiwalayan ang kanilang relasyon.

Bagama’t walang pormal na pag-amin ang singer-actor at ang magandang aktres na hiwalay na sila ay madalas naman silang nakikitang magkasama sa mga events na kailangan nilang puntahan at isa kami sa mga nakakita sa kanila.

Ang style ng dalawang celebrities ay magkasabay na dumarating pero hindi naman sila magkadikit o nagpi-PDA (public display of affection) sa event.

May kanya-kanya silang mga kaibigang kausap at kapag aalis na ay may nauuna at maghihintay na lang sa sasakyan ang isa.

Medyo mailap din ang singer-actor dahil kapag may nakita na siyang taga-media ay umiiwas na agad na kunwari ay may kausap sa cellphone.

Baka Bet Mo: KALURKEY: Kilalang aktor bano na ngang umarte may attitude pa! 

Going back sa mas pinili ni aktor ang career, kasi naman itong si boyfriend ay hindi mo mawari kung pasulong o paatras ang karera.

Medyo may pagkasuplado kasi ang aktor at feeling guwapo kaya ang ending hindi siya bet ng mga direktor lalo na kung pang-masa ang kuwento ng pelikula o serye.

At saka nabantilawan na rin ang karera niya dahil marami nang nagsulputang mas bata at mas promising na pangbidang lalaki.

Pero ang iniwang dyowa na magandang aktres ay may project naman at puro support, hindi na rin siya puwedeng bida dahil hindi pambida ang beauty niya.

Sa kasalukuyan ay hindi aktibo si singer-actor samantalang si magandang aktres ay may nakita kaming ginagawa at kasama ang bagong aktor na mukhang bagay naman sila.

The post Singer-actor suplado na feeling gwapo pa, hindi bet ng mga direktor appeared first on Bandera.

Source link

The Sexbomb Girls are not here to compete!

Source link